Тензиите во турскиот фудбал повторно експлодираа по големото дерби помеѓу Галатасарај и Фенербахче, во кое домашниот тим славеше убедлива победа од 3:0.
Иако направија огромен чекор кон титулата, Галатасарај не го криеја својот гнев поради судењето. За време на самиот натпревар на стадионот „Рамс Парк“, клубот се огласи на социјалните мрежи обвинувајќи ги судиите и ВАР системот за сериозни грешки.
„И покрај овие судии, ние сè уште водиме со 1:0. Гледаме што правите, вашите планови, злото во вас“, рекоа тие, тврдејќи дека не им биле досудени два очигледни пенали во првото полувреме.
Bu hakemlere rağmen 1-0 öndeyiz. Ne yaptığınızı, planlarınızı, içinizdeki kötülüğü görüyoruz. Bu düzen böyle gitmeyecek. Buradayız, susmayacağız! Sonunda yine iyiler kazanacak!— Galatasaray SK (@GalatasaraySK) April 26, 2026
На теренот, Галатасарај беше убедлив. Виктор Осимхен го доведе домашниот тим во водство кон крајот на првото полувреме, откако Фенербахче претходно промаши пенал. Во продолжението, тие ја зголемија предноста со головите на Бариш Алпер Јилмаз од пенал и на Лукас Тореира во финишот од натпреварот.
Дополнителен проблем за гостите беше црвениот картон за голманот Едерсон, кој беше исклучен при резултат 1:0. Со оваа победа, Галатасарај му избега на Фенер со седум бода на врвот на табелата, седум кола пред крајот, и е се поблиску до новата титула.
Don’t let the score distract you from the fact that TWO clear penalties for Galatasaray have been ignored by the referee and the VAR room in the first half.#GSFB— Galatasaray EN (@Galatasaray) April 26, 2026
Острите изјави доаѓаат само неколку дена откако Галатасарај објави дека ја прекинува соработката со Турската фудбалска асоцијација поради несогласувања околу делегирањето на судиите.
Патем, судијата Јасин Кол додели 11 жолти картони за време на дербито, што дополнително зборува за нервозата на теренот.
Контроверзиите околу судењето не се ништо ново во Турција. Минатата сезона, поранешниот тренер на Фенербахче, Жозе Мурињо, беше суспендиран на четири натпревари поради јавна критика кон судиите.
The post Галатасарај ги обвинува судиите дека имаат „зло во себе“ по победата над Фенербахче: Немојте да ве залаже резултатот appeared first on Во Центар.
