Германското обвинителство наложило обдукција на телото на починатиот Шабан Шаулиќ во четврток, за што го известило Министерството за надворешни работи на Србија, дознаваат српските медиуми.
Според нивните информации за истрагата, по несреќата на автопатот кај Билефелд, Шаулиќ сам излегол од автомобилот со кој се превезувал до аеродромот и влегол во санитетското возило.
Било предвидено прибирањето на неопходните документи да се заврши до четврток, но бидејќи обдукцијата е закажана за тој ден, во моментов не се знае кога ќе биде погребот.
