Транспаренси Интернешнл во Македонија го објави годишниот извештај „Бистро-Матно“, кој претставува резиме на сите дванаесет месечни изданија објавени во текот на 2025 година и дава сеопфатна слика за состојбата со корупцијата и борбата против неа во земјата.
Во извештајот се проценува дека 2025 година беше обележана со катастрофалниот пожар во дискотеката „Пулс“ во Кочани, кој откри сериозни коруптивни практики, институционални пропусти и целосно заобиколување на превентивните системи.
Иако истрагата и обвинението беа покренати во законскиот рок, организацијата предупредува дека вистинската борба за правда сепак ќе се одвива во судската постапка.
Дополнително, обвинението поднесено против поранешната претседателка на Државната комисија за спречување на корупција за откривање службени тајни сериозно го покрена прашањето за кредибилитетот на оваа клучна институција. Слично на тоа, случајот со онкологијата и откритијата за непотребни кардиохируршки интервенции ја разнишаа довербата во здравствениот систем, што укажува на сомневања за злоупотреби мотивирани од профит.
Во извештајот се нагласува дека новиот Кривичен законик не е донесен ниту во 2025 година, што, според „Транспарентност“, дополнително ги продлабочува последиците од контроверзните измени усвоени во 2023 година и негативно влијае на високопрофилираните случаи на корупција. Речиси секое издание на „Бистро-Матно“ ги истакнува и негативните извештаи од Државниот завод за ревизија, кои укажуваат на системски слабости во работата на институциите.
The post Годишен извештај на Транспаренси Интернешнл: Кочани како симбол на неуспехот на институционалната корупција appeared first on Во Центар.
