Во четвртокот наутро кај Жрновница во Хрватска, на ридот над населбата Аљиновиќи, избувна пожар при што изгореа остатоци од борова шума во близина на поранешната воена база, училиште и куќи.

Гаснењето на пожарот го отежнува силниот ветер кој предизвикува ширење на пожарот, а на помош била повикана и противпожарната единица.

Бил испратен и авион за гасење пожари, но набрзо си заминал затоа што немало ефект од него, односно поради силниот ветер била загрозена неговата безбедност.

Пожарот и натаму не е под контрола.