Единиците за воздушна одбрана (ПВО) на Украина се обидуваат да го одбијат воздушниот напад што Русија рано утринава го изврши врз главниот град на Украина Киев.
Скај њуз пренесува дека ова го соопшти воената управа на Киев.
Според сведочењето на очевидци за Ројтерс, во главниот град на Украина одекнале неколку експлозии.
Се наведува дека звучат како операции за противвоздушна одбрана.
САД привремено ја затворија својата амбасада во Киев откако добија „конкретни информации за потенцијално значаен воздушен напад на 20 ноември“.
- Како општа претпазливост, амбасадата ќе биде затворена, а на персоналот на амбасадата им е наложено да побараат засолниште – објави Одделот за конзуларни прашања на Стејт департментот на социјалната мрежа Х (поранешен Твитер).
Во него се наведува и дека „американската амбасада препорачува американските граѓани веднаш да одат во засолниште доколку се огласи предупредување за воздушна закана“.
Скај њуз објави дека оваа најава дојде само неколку дена откако администрацијата на Џо Бајден, американскиот претседател во заминување, објави дека Украина одобрила употреба на американско оружје за напади во Русија, што предизвика страв од трета светска војна.
Русија вчера објави дека Украина употребила шест американски ракети со долг дострел ATACMS за напад на руска територија.
Пред да стигне веста за нападот, рускиот претседател Владимир Путин потпиша указ за промена на нуклеарната доктрина на земјата, а неговиот портпарол Дмитриј Песков објасни што значи тоа.
Пронајдете не на следниве мрежи:
