Група студенти и граѓани деветти ден ги блокираат зградите на Радио телевизија Србија (РТС) на улиците Таковска и Кошутњак, а јавниот медиумски сервис објави дека новинари, сниматели, уредници и продуценти вложуваат големи напори да продуцираат и емитуваат информативна, културна и друга телевизиска програма и покрај незаконската блокада на зградата, студијата, радиодифузната и другата опрема на теренот.

Блокирани за сообраќај се улиците околу РТС – улица Таковска од Кнез Милош до Светогорска, дел од Илија Гарашанин, улица Мајор Тепица и улица Абердарева.

Утрово мал број студенти и неколку моторџии ја блокираат зградата на РТС во Таковска.