Методот стар децении за „спасување“ на мокор телефон со ставање во ориз не е добра идеја, вели Apple. Компанијата неодамна објави цел документ за опасностите од чувањето на телефонот во ориз. Во документот за поддршка, технолошкиот гигант рече дека чувањето на влажниот iPhone во чинија со ориз „ќе дозволи малите честички од ориз да го оштетат вашиот iPhone“.

Apple не ги елаборираше овие тврдења, но се смета дека предупредувањето има за цел да ја заштити компанијата од какви било потенцијални тужби кои произлегуваат од ситуацијата „Го ставив мојот iPhone во ориз и ми се скрши“.

Други трикови за сушење на iPhone, како е дување со фен, исто така не се препорачуваат, според тимот на Apple.

Извор: index.hr