Откако TMZ во октомври објави дека победникот на Евровизија Дамијано Давид и американската пејачка и актерка Дав Камерон се верија, двојката денес ја официјализираше својата свршувачка.Камерон сподели неколку фотографии на кои позира во прегратката на поранешниот фронтмен на италијанскиот бенд Манескин, со фокус на нејзиниот веренички прстен.
„Мојот омилен дел од животот. Среќна Нова Година“, напиша Дав под фотографиите.
Дав предизвика гласини за свршувачка кон крајот на октомври носејќи огромен, светкав прстен додека шеташе со Дамијано во Сиднеј, Австралија.
Истиот месец, тие прославија две години врска, а Дав напиша во емотивна објава на Инстаграм: „Најубавите две години од мојот живот. Плачам барем еднаш неделно затоа што животот со тебе стана толку убав. Те сакам на начин што не можат да го искажат зборовите, но никогаш нема да престанам да се обидувам. Среќна годишнина, љубов моја.“
Врската на славниот пар започна во 2023 година, а гласините започнаа кога Камерон беше виден на концерт на бендот Манескин во Њујорк. После тоа, двојката беше гледана заедно сè почесто и почесто, а ја потврдија својата романса во февруари 2024 година појавувајќи се заедно на црвениот тепих на галата на Клајв Дејвис пред доделувањето на наградите Греми.
Камерон претходно беше верена со колегата од „Лив и Меди“, Рајан Мекартан, со кого се забавуваше од 2013 до 2016 година.
Пронајдете не на следниве мрежи:
