Да се носат маски и по дома, кога ви доаѓаат гости, препорачува СЗО

Светската здравствена организација (СЗО) излезе со нова препорака за заштита од коронавирусот.
Велат дека луѓето треба да носат маски и дома за да ја спречат заразата со коронавирус кога доаѓаат кај нив гости однадвор, а не можат да одржуваат социјална дистанца.Маските треба да се носат дома за време на посетата, ако не е јасно дали просторијата е добро проветрена, според новите упатства објавени денеска во Женева.
СЗО претходно бараше носење маски во преполни јавни простори. Здравствената организација на ООН сега препорачува поширока употреба на маски во здравствените установи. Персоналот и другите работници кои не се вклучени во болничката нега се ставени на списокот на луѓе кои треба постојано да ги покриваат носот и устата. Пациентите треба да носат маски во ситуации кога ќе дојдат во близок контакт со други луѓе.
Во светот има 64.5 милиони луѓе заразени со коронавирусот. Во некои држави веќе има и трет бран на коронавирусот.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.