Деканката на Филозофскиот факултет на Универзитетот во Ниш, Наталија Јовановиќ е пуштена од болница откако денеска беше нападната со нож на собир на студенти и други граѓани пред протестот. Како што изјавила таа, во болницата ја добила сета потребна медицинска нега.

„Доживеав голем стрес, уште фали да не сечат на парчиња, не знам што е следно. Нема потреба вака да се зголемуваат тензиите, а знаеме кој ги шири, а овој пат обвинувам само една личност, таа ми извлече нож, а тоа е претседателот на оваа држава“, рече Јовановиќ.

За потсетување, соопштено е дека е приведена жената која ја нападна деканката, а засега се работи за непознато лице кое, според очевидци, и се заканувало и рекла дека ќе и фрли киселина.

Таа подоцна извадила нож и наводно ја прободела деканката во дланка. Присутните граѓани и студенти успеале да ја одбранат и да ја однесат во блиската обложувалница пред да дојде полицијата и брзата помош.

Српските медиуми пишуваат дека нападот доаѓа само неколку дена откако самиот претседател Александар Вучиќ ја нарече Јовановиќ „криминалец“ и дел од „тројката на злото“.

Деканката Наталија Јовановиќ беше меѓу првите кои ги поддржаа студентските протести кои со месеци се одржуваат низ Србија.