Словенечкиот кошаркар од редовите на Далас беше мета на грабеж, а сега медиумите објавуваат и детали за случајот.

Имено, од домот на НБА ѕвездата бил украден накит во вредност од 30.000 долари, а полицијата информираше дека сторителот влегол преку скршен прозорец од бањата во моменти кога во домот немало никого.

Инцидентот се случил во периодот помеѓу 17 и 21 часо кога Дончиќ и членовите на неговото семејство не биле во домот.

„Добро е што сите се безбедни, Лука го пријави случајот во полиција и отворена е истрага“, изјави сорабтничката на словенечкиот кошаркар, Лара Бет Сигер.

Инаку, во САД во последниот период мета на крадци беа познати имиња како: Патрик Махомс, Тревис Келси, Боби Портис и Мајк Конли.