Денеска (17.12.2024) околу 17.00 часот во СВР Скопје било пријавено дека на автопатот Скопје – Куманово, кај клучка Дељадровце, се случила сообраќајна незгода помеѓу товарно возило „мерцедес“ со кумановски регистарски ознаки, управувано од А.С.(42) од Куманово, патничко возило „фиат“ со кумановски регистарски ознаки, управувано од Д.С.(34) од Куманово и патничко возило „мерцедес“ со скопски регистарски ознаки, управувано од Ѓ.Р.(33) од Скопје.
Исто така, во 17.50 часот во СВР Скопје било пријавено дека на истото место се случила сообраќајна незгода помеѓу патничко возило „мерцедес“ со кумановски регистарски ознаки и товарно возило со странски регистарски ознаки.
Нема повредени во две незгоди, а увид на местото извршила екипа од СВР Скопје. За време на вршење на увидот сообраќајот за товарни возила се пренасочувал кон Миладиновци , а за патнички возила се одвивал отежнато по една сообраќајна лента.