недела, 22 ноември 2026
Најново

Детали за состојбата на Меланија Трамп

Melania Trump, wife of Donald Trump, arrives before the second presidential debate between Republi can presidential nominee Donald Trump and Democratic presidential nominee Hillary Clinton at Washington University in St. Louis, Sunday, Oct. 9, 2016.(AP Photo/Patrick Semansky)
Претпочитан извор Додај го Пулс24 во твоите извори на Google Додај

Првата дама на САД Меланија Трамп вчера беше примена во болница, каде што и беше извршена операција на бубрег, а ја посети нејзиниот сопруг, американскиот претседател Доналд Трамп.
– Ова утро (понеделник), првата дама Меланија Трамп беше подложена на постапка за емболизација за лечење на бенигна бубрежна болеста. Процедурата беше успешна и немаше компликации, изјави портпаролката на првата дама, Стефани Гришам.
Меланија Трамп (48) била примена во Националниот воен медицински центар „Волтер Рид” и веројатно ќе остане таму до крајот на оваа недела.
Според Си-Ен-Ен, нејзиниот сопруг, американскиот претседател Доналд Трамп, бил во Белата куќа за време на операцијата.
Тој со хеликоптер бил да ја посети својата сопруга во воено-медицински центар, а на Твитер објави дека Меланија е добро расположена.
– На пат кон медицинскиот центар „Волтер Рид “, за да ја видам нашата прекрасна прва дама, Меланија. Успешна процедура, таа е добро расположена. Благодарам на сите за добрите желби, порача Трамп.

Белата Куќа не објави детали за здравствената состојба на првата жена. Два неименувани уролози изјавија дека не се запознаени со состојбата на Меланија, но, веруваат дека најверојатното објаснувањето за интервенцијата е тип на бениген бубрежен тумор, познат како ангиомиолипом.

Поврзани вести