И Директорот на неврологија, Иван Барбов, позитивен на КОРОНА ВИРУСОТ
Тој вечерва на својот Фејсбук профил објави дека добил позитивен резултат за КОРОНА ВИРУСОТ. Барбов напиша дека не се тестирал поради симптоми на болеста, туку затоа што имал контакт со неколку пациенти за кои подоцна се утврдило дека се позитивни.
Денес го добив резултатот за САРС-КоВ-2 кој е позитивен. Вчера се тестирав заради контакт со неколку пациенти кои испаднаа позитивни, иако и тие и јас бевме со заштитна опрема.
Немам никакви симптоми и од вчера сум во домашна самоизолација.
Во изминативе 4 месеци секојдневно бев на работа, не се поштедив со ротации. Се со цел подобро да ја организирам работата на клиниката и да бидам достапен за сите пациенти.
Постојано носев маска на работа и надвор во затворени простории.
Почитувајте ги препораките и чувајте се.
