Владимир Некрасов, претседател на одборот на директори на руската нафтена компанија „Лукоил“, ненадејно почина во вторникот на 66-годишна возраст.
Локалните медиуми јавуваат дека Владимир Некрасов страдал од акутна срцева слабост, додека западните медиуми и критичарите на рускиот претседател Владимир Путин тврдат дека директорот на втората по големина руска нафтена компанија е всушност последната во низата жртвина актуелниот руски режим.
- Дневен хороскоп за вторник, 1 октомври! На Овенот му следи флерт со некој од соседството, еден знак прави огромни грешки на работа!
- 18-годишник од Липково прегазил девојка, па избегал
- Приведен 51-годишен маж од Василево, во неговиот дом била пронајдена марихуана
- Еуроњуз: Скопје ќе може да напредува на својот пат кон членство во ЕУ само ако продолжи да ги поправа односите со Софија
- Српски новинари добиле закани: „Куршум во тилот“ ако стапнете во Косово
- Голем пробив на подземната инфраструктура од страна на Град Скопје
- Шефот на тајната иранска служба бил израелски шпион
- Македонија добива нов извор на гас, започна со работа терминалот Александропули
- Руте ја презеде функцијата генерален секретар на НАТО
The Sun објави дека Владимир Некрасов е третиот висок функционер на „Лукоил“ кој е пронајден мртов во изминатите 18 месеци и тврди дека многу мистериозни смртни случаи се поврзани со енергетскиот сектор од почетокот на војната во Украина.
Смртта на Владимир Некрасов уследи по смртта на директорот на управниот одбор на компанијата, Равил Маганов (67 г.), кој „падна“ од прозорецот на елитна московска болница на почетокот на септември 2022 година. Равил Маганов службено бил во болница поради долгогодишен проблем со срцето, па паднал од прозорецот на шестиот кат и починал на лице место.
Милијардерот Александар Суботин (43 г.), главен менаџер на „Лукоил“, беше пронајден мртов во мај 2022 година откако посетил шаман. Една од теориите е дека Александар Суботин, кој исто така поседувал бродска компанија, бил отруен за време на сеансата, што потоа предизвикало срцев удар.
Телото на Игор Шкурк (49 г.), заменик генералниот директор на „Јакутскенерго“, беше откриено во неговата ќелија во притворот откако беше обвинет за примање мито.
Западните медиуми тврдат дека Кремљ стои зад смртта на најмалку 39 лица од руската елита.
Еден од мистериозно починатите олигарси е олигархот Сергеј Гришин, кој им продаде замок на Меган Маркл и принцот Хари во Калифорнија, а кој наводно починал од сепса откако го критикувал Владимир Путин.
На листата на мистериозни смртни случаи е и научникот Андреј Ботиков, кој ја создаде вакцината „Спутник V“. Андреј Ботиков е пронајден мртов во неговиот стан, а се сомнева дека е задавен со појас.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.