Американскиот претседател Доналд Трамп објави дека САД и Иран постигнале договор за двонеделен прекин на огнот.
Според објава на социјалната мрежа Truth Social, прекинот на огнот е постигнат со помош на Пакистан.
„Врз основа на разговорот со премиерот Шехбаз Шариф и фелдмаршалот Асим Мунир од Пакистан, за време на кој тие ме замолија да ја одложам деструктивната сила што беше насочена кон Иран вечерва, и под услов Исламската Република Иран да се согласи на целосно, итно и безбедно отворање на Ормутскиот теснец, се согласувам да го суспендирам бомбардирањето и нападот врз Иран за период од две недели. Ова ќе биде меѓусебно прекин на огнот!“, објави Трамп.
Тој продолжи да ги наведува своите причини за согласувањето со примирјето, повторувајќи ги тврдењата за „исполнување на сите воени цели“.
„Добивме предлог од 10 точки од Иран и веруваме дека тој претставува функционална основа за преговори. Речиси сите точки од претходните несогласувања веќе се договорени меѓу САД и Иран, но двонеделниот период ќе овозможи договорот да се финализира и склучи“, рече Трамп.
Со ова, барем за следните две недели, е прекинат конфликтот меѓу Иран од една страна и САД и Израел од друга страна, кој започна со американско-израелските напади започнати на 28 февруари.
Примирјето беше постигнато во последните моменти пред истекот на рокот поставен од Трамп, кој се однесуваше на отворањето на теснецот. Во случај да не се постигне договор, американскиот претседател најави дека ќе ги засили нападите, па дури и ќе ја „збрише цивилизацијата“.
The post Договорено примирје меѓу САД и Иран: Ормутскиот теснец се отвора, Америка ги запира нападите appeared first on Во Центар.
