Шерифската служба на округот Лос Анџелес објави дека отворила истрага за ново обвинение за сексуален напад против раперот Шон Диди Комбс.
Раперот моментално отслужува четиригодишна затворска казна откако беше прогласен за виновен по две точки од обвинението за транспорт на луѓе за проституција. Диди првично беше обвинет за рекетирање, трговија со луѓе и транспорт на луѓе за проституција по неговото апсење во септември 2024 година.
По осум недели исцрпувачка судска постапка, пресудата беше донесена откако многу сведоци, вклучувајќи и некои познати личности, се јавија да сведочат.
Сега, ново обвинение против Диди доаѓа од неименуван музички продуцент и публицист од Флорида, кој тврди дека се запознал со раперот на фотосесија во магацин во Лос Анџелес во 2020 година.
Според полицискиот извештај до кој дојде NBC, човекот тврдел дека Диди почнал да мастурбира под неговата кошула, пред да се открие и да му каже на продуцентот да му помогне.
Овој извештај, исто така, откри информации за инцидент од март 2021 година, каде што обвинителот тврдеше дека двајца мажи му ја покриле главата пред Диди да влезе во собата и го нарекле „кодош“.
Во изјава за NBC, адвокатот на Диди го негираше последното обвинение, велејќи: „Како што адвокатскиот тим на г-дин Комбс постојано изјавува повеќе од една година, тој не може да одговори на секое неосновано обвинение во она што прерасна во медиумски циркус“.
The post Додека ја отслужува затворската казна, Пи Диди се соочува со уште едно обвинение за сексуален напад appeared first on Во Центар.
