Српскиот тенисер Новак Ѓоковиќ поради сериозна повреда на задната ложа, односно руптура на мускулот, го предаде полуфиналето на Австралијан опен на Саша Зверев. Како да не му беше доволно тешко на Ѓоковиќ поради тоа, тој мораше да слуша и приказни дека сè е лажирано, дека воопшто не е повреден, па беше приморан на социјалните мрежи да објави рендгенска снимка.
„За сите експерти“, напиша Ѓоковиќ со снимките од докторот, на кои се гледаат и неговите претходни повреди во Австралија, кога што го обвинуваа дека измислил дека е повреден.
Секако, за многумина таа снимка не значеше ништо, па медиумите контактираа доктори кои би разјасниле што точно се случило со мускулот на Новак Ѓоковиќ. Како што изјави за австралиски медиум Питер Ларкинс, инаку реномиран доктор кој претежно се занимава со опоравување на спортисти, апсолутно нема сомнеж во повредата.
„Тоа е значително истегнување. Не е крај на кариерата, но мислам дека е прилично неверојатно што воопшто успеал да одигра неколку мечови откако тоа првобитно се случи. Треба да му се извинат сите кои го обвинуваа дека лаже“, рече Ларкинс.
Thought I’d leave this here for all the sports injury “experts” out there. pic.twitter.com/ZO5mBtw9zB
— Novak Djokovic (@DjokerNole) January 25, 2025
