На одбележувањето на Светскиот ден на дијабетесот 14 ноември, Сојузот на здруженија на лицата со дијабетес од здравствените власти побараа да бидат обезбедени сензори за сите лица со дијабетес Тип 1, редовно да ја добиваат терапијата и медицинските помагала. Тие побараа да бидат подостапни новите лекови против дијабетес во аптеките, и полесно да дојдат до термин кај специјалист, кој треба да им ја следи состојбата и да се спречи појава на компликации.
Според податоците од Министерството за здравство во Македонија се регистрирани 135 илјади лица со дијабетес, од кои 40.000 се со дијабетес тип 1.
Министерството за здравство обезбеди сензори за контрола на гликемијата за 800 пациенти со тип 1, а Здруженијата на пациенти бараат вакви сензори да добијат сите деца и млади до 25 години, бремените жени кои имаат гестациски дијабетес, како и сите оние кои имаат последици од болест.
– Да почнеме да се дополнуваме, тој број колку што може да се зголемува да стасаме до 80 проценти покриеност за две, три години со сензори и инсулински пумпи, кои се медицински индицирани и се и треба да се поставуваат на лицата со Тип 1, изјави Димче Велев, претседател на СЗДМ.
Министерството за здравство најави дека во следните три години ќе се обидат да обезбедат сензори за следење на гликемијата за што повеќе пациенти.
