Руското Министерство за одбрана соопшти дека денеска авионот Су-30 го придружувал американското беспилотно летало „Рипер“ кое, како што се наведува, се приближувало до границата на Русија преку Црното Море.
– За да се идентификува воздушната цел и да се спречи нарушување на државната граница на Руската Федерација, подигнат е ловецот Су-30 – се наведува во соопштението објавено на Телеграм.
Се додава дека рускиот екипаж ја идентификувал воздушната цел како беспилотно летало МК-9А Рипер на американските воздухопловни сили.
Се наведува дека американскиот авион откако му се приближил Су-30, направил пресврт и се оддалечил од руската граница.
– Летот на рускиот ловец е извршен во согласност со меѓународните правила за користење на воздушниот простор над неутралните води со почитување на безбедносните мерки – истакна руското Министерство за одбрана.
Пронајдете не на следниве мрежи:
