Претседателскиот авион во кој се наоѓаше американскиот претседател се врати во базата поради технички проблем.
Претседателскиот авион на пат кон Давос, Швајцарија, во кој се наоѓаше американскиот претседател Доналд Трамп, се врати во Мериленд синоќа помалку од еден час по полетувањето, поради „мал електричен проблем“, изјави денес портпаролката на Белата куќа, Каролин Ливит.
Трамп зел друг авион за Давос еден час подоцна, објави Си-Би-Ес.
Ливит им изјави на новинарите во претседателскиот авион дека по полетувањето од заедничката база Ендрус, екипажот идентификувал „мал електричен проблем“ и, како мерка на претпазливост, одлучил да се сврти и да се врати во базата.
Авионот се вратил во базата во 23:07 часот по локално време, а потоа Трамп се качил во новиот авион, кој полетал за Давос околу полноќ.
Новинарите рекоа дека светлата во прес-кабината накратко се изгаснале по полетувањето.
Трамп ќе учествува на Светскиот економски форум во Давос, каде што е предвидено да се обрати денес, кратко по слетувањето.
Моментално има два модифицирани Боинг 747 кои служат како претседателски авиони, и двата во употреба од 1990 година.
Тие требаше да бидат заменети во 2024 година со модифициран Боинг 747, но завршувањето на првиот авион за замена е одложено до 2027 година, а вториот до 2028 година, според американските воздухопловни сили.
The post ДРАМА НА НЕБОТО НА ПАТ КОН ДАВОС! Авионот на Трамп полета – па мораше да се врати во Америка, еве што се случи (ФОТО) appeared first on Во Центар.
