Франција со убедливи 35-28 ја победи Германија, а Шведска со 26-22 го помина Египет, двете најтрофејни селекции на Светските првенства ќе играат во полуфиналето на овој Мундијал.

Конечниот резултат од 35-28 за Франција со Германија не ја отсликува реалноста на овој меч, дуелот беше изедначен до финишот кога Французите направија серија и дојдоа до висока победа од седум голови разлика.

Германија водеше во најголемиот дел од првото полувреме, на одморот се замина со нерешени 16-16. Германците имаа водство и во воведните минути од второто полувреме, но Франција го крена нивото во финишот и ја оправда улогата на фаворит.