ДУИ изразува длабока загриженост во врска со сериозното влошување, како што велат, на состојбата во борбата против корупцијата и институционалната деградација во земјата.
„Според најновиот извештај на Транспаренси Интернешнл, Македонија падна за 12 места во Индексот за перцепција на корупцијата за 2024 година, рангирајќи се на 88-мо место од 180 земји, со само 40 поени. Овој драстичен пад е јасен показател за губењето на јавната и меѓународната доверба во државните институции.“
Како опозиција, оценуваме дека оваа влада не само што не успеа да се бори против корупцијата, туку со своите постапки ја нормализираше.Исто така, алармантни се и податоците од Факултетот за безбедност, според кои секој трет граѓанин или близок член на неговото семејство имал контакт со корумпиран службеник. Овој факт повеќе не е само морално или административно прашање, туку, како што беше нагласено и од експертите, системската корупција претставува сериозна закана за безбедноста на државата, бидејќи ги парализира институциите и го поткопува функционирањето на демократскиот поредок.
Паралелно со овој институционален неуспех, парламентарното мнозинство го одобри Законот за контрола на индустриските емисии, кој, според организацијата „Зелен хуман град“, отвора пат за нови еколошки скандали. Овој закон им дава право на индустриите, под оправдување за „трговски тајни“, да кријат од граѓаните витални информации за видот на отпад што се гори во нивните фабрики. Со овој закон, на граѓаните им се одзема фундаменталното право да знаат дали нивното здравје и животната средина во која живеат се загрозени“, велат од ДУИ.ДУИ оценува дека корупцијата се продлабочува и станува норма; безбедноста на државата и довербата на граѓаните се сериозно оштетени; транспарентноста и заштитата на животната средина се жртвуваат во корист на тесни економски интереси.
The post ДУИ: Македонија падна за 12 места на индексот на корупција, неуспех на владата и ризик за државната безбедност appeared first on Во Центар.
