Се ближи Велигден, па секоја домаќинка смислува како да има најоригинални велигденски јајца на својата трпеза.
Поради тоа ние ви откриваме како да добиете впечатливо црвена боја за велигденските јајца.
Состојки:
- 12 кафеави јајца;
- 4 шолји вода;
- 1 шолја оцет;
- 1 ќесичка црвена боја за јајца;
- Малку зејтин.
Подготовка:
Во тенџере ставете вода, па кога водата ќе зоврие додадете ги јајцата и оцетот. Намалете ја температурата на шпоретот, поклопете го тенџерето и оставете јајцата да вријат 15-тина минути.
Потоа внимателно пренесете ги јајцата во сад со ладна вода и оставете ги уште 5-10 минути. Во шолја ставете боја, па додадете вода во која се вареле јајцата. Добро помешајте, па ставете ја назад во тенџерето. Вратете ги јајцата во водата со боја и оставете ги околу 5-10 минути.
Извадете ги јајцата на чинија која сте ја обложиле со хартија и оставете да се исушат. Ставете масло на хартија или крпа, па премачкајте го секое јајце поединечно.