Колку пати ви се случило на Инстаграм да наидете на фотографија од вашиот поранешен партнер или само симпатија и после 10 минути да сфатите дека веќе сте стигнале до негова фотографија од 2014 година?
Сигурно барем еднаш сте се нашле во ваква ситуација. Сосема е нормално понекогаш да се заинтересирате за некој со кој барем еднаш сте биле на прошетка или сте мечтаеле за тоа, дури и ако редовно го проверувате неговиот профил, само за да видите дали има нешто ново.
Со тоа се сложува и професорката по психологија Сузан Краус Витбурн, која што понудила и стручно објаснување на темата.
„Сметам дека луѓето секогаш ги интересирал животот на нивните поранешни партнери. Нормално, друштвените мрежи тоа дополнително го поттикнуваат, бидејќи нив им е лесно да ви ги дадат информациите кои што вас ве интересираат, но тоа е сосема нормално човечко однесување”, нагласува таа и додава дека сепак постои алармантен сигнал.
„Ако секојдневно, по неколку пати во текот на денот го проверувате вашиот поранешен партнер на Инстаграм и ако ги следите коментарите под фотографиите кои му ги поставуваат пријателите (особено други жени), значи дека сепак сте отишле предалеку и дека треба да се научите да го контролирате тоа и да продолжите со својот живот без вашиот поранешен партнер да биде дел од него” , советува психологот.
