Кога станува збор за потемнување на кожата, сите лекари се согласуваат дека солариумите и хемиските третмани се лош избор. Меѓутоа, што да правите ако цел ден го поминувате на работа и немате време да се сончате пред одморите.
Ако сте една од жените на кои им е непријатно да се соблече бидејќи е бела на плажа, ова масло може да ви помогне да добиете прекрасен тен.
Тајната е во природните состојки, кои не само што нема да ѝ наштетат на вашата кожа, туку и ќе ја нахранат и ќе ја направат мека и кадифена.
Подготовката на овој природен препарат е многу едноставна, а еве што ви треба.
Состојки:
3 dl маслиново масло
2 моркови
6-7 млади ореви
Подготовка:
Во стаклена тегла изрендајте го морковот, исечкајте ги оревите и прелијте со маслиновото масло. Добро затворете и оставете да отстои на сонце најмалку 4 недели, по можност 40 дена.
Кога го подготвувате, треба одвреме-навреме да го мешате. По 40 дена се цеди и се истура добиеното масло во шише со распрскувач.
Сепак, она што треба да го имате на ум е дека овој производ не штити од сончевите зраци, односно нема заштитен фактор, па затоа не се препорачува употреба без крема за сончање. Најдобро е прво да се нанесе кремот, па после половина час маслото.
По неколку дена ќе забележите дека вашата кожа е потемна, но и помека и похранета.
