Крокс и Лего ги здружија силите и претставија заеднички производ – правоаголни кломпи наречени ЛЕГО циглички, кои веќе предизвикаа возбуда на социјалните мрежи.
Крокс и Лего Групацијата објавија глобално, повеќегодишно партнерство дизајнирано да ја прослави индивидуалноста, бојата и креативноста. Првото издание веќе предизвика возбуда на интернет: ЛЕГО тул кломпата, смел нов дизајн што ја трансформира класичната силуета на Крокс во светло црвена ЛЕГО коцка што всушност можете да ја носите.
Лего кломпите во ограничено издание, кои ќе бидат во продажба на 16 февруари, чинат 150 долари. Секој пар колекционерски чевли доаѓа со Лего минифигура со четири пара од неговите минијатурни Крокси.
Главниот директор за маркетинг на Crocs, Карли Гомез, изјави: „Безграничната имагинација на LEGO Group ги прави совршен пар за чудесно необичниот дух на Crocs. Се гордееме што сме изградени поинаку, славејќи го самоизразувањето и охрабрувајќи ја креативноста. Едвај чекам нашите обожаватели да видат што создаваме заедно – навистина ги скршивме калапите на начин што никогаш порано не сме го направиле.“
Музичарот Томи Кеш беше првата славна личност видена како носи овие кломпи на ревијата на EgnoLab на Неделата на модата во Париз, несмасно сопнувајќи се за да се прилагоди на големината на кломпите.
Кеш носеше кломпи во комбинација со црно одело покриено со Лего коцки, држејќи црвена роза направена од градежни блокови.
Лего кломпата е направена од истата гумена пластична пена како и другите кломпи на Крокс, со ѓон дизајниран да личи на долната страна на Лего коцка.
The post Е уште вакви чевли немате видено: Лего и Крокс претставија кломпи во форма на коцка (фото) appeared first on Во Центар.
