Како што дојде празничната сезона и долгите вечери поминати на нозе, експертот за нега на стапала Лиса Кеј сподели неколку едноставни трикови кои можат да ви помогнат да го олесните носењето потпетици.
Носењето високи потпетици може да биде вистински предизвик, особено кога мора да ги издржите цела вечер.
Иако потпетиците придонесуваат за елегантен изглед, ја издолжуваат силуетата и го подобруваат држењето на телото, тие често предизвикуваат болка, жуљеви и непријатност, особено ако моделот не одговара на обликот на вашето стапало.
Експертот за нега на стапала Лиса Кеј сподели практични совети за подготовка на вашите стапала, а еден од најефикасните бара само производ што сите веќе го имаме дома, ролон дезодоранс, објавува Mirror.
-Одличен и многу достапен трик за спречување на триење и иритација при носење потпетици е да нанесете ролон дезодоранс на страните од стапалата. Ова создава бариера помеѓу вашата кожа и чевлата. Во текот на вечерта, стапалата можат да се потат, а дезодорансот ја задржува влагата точно на местата каде што обично се формираат плускавци – објасни Кеј и откри кој модел на чевли е најудобен.
-Правилниот избор на чевли според обликот на вашето стапало е клучен. Ако имате широки стапала, моделите со квадратни или заоблени врвови се најдобри, наместо зашилени. Исто така, чевли со мала платформа можат да бидат многу корисни – еден или два инчи подлога напред го намалува притисокот врз петиците и ја распределува тежината порамномерно, додаде таа.
Пронајдете не на следниве мрежи:
