Во рамките на програмата на апостолската посета на Неговата Светост и прв свештеник на Католичката Црква, папата Франциск и премиерот Зоран Заев остварија одделна заедничка средба. На средбата уште еднаш беше потврдена вековната духовна врска меѓу папската држава и нашата земја воспоставена со мисијата на сесловенските просветители, Светите браќа Кирил и Методиј, и со чествувањето на нивното дело што секоја година заеднички се прославува во Рим и Ватикан.
На средбата премиерот Заев порача дека оваа Апостолска посета е инспирација за народот на Северна Македонија и го замоли папата да се помоли за доброто на граѓаните и на земјата.
На средбата беше истакната заложбата Република Северна Македонија да ја продолжи својата афирмација како земја на заедништво и толеранција следејќи го примерот на делото на Светите Кирил и Методиј, кои во 1980 година Ватикан ги прогласи за покровители на Европа.
Пронајдете не на следниве мрежи:
