По скандалот кој изби заради неговата изјава дека активистите за заштита на правата на лицата со посебни потреби се „разврескани жени“, кои ги злоупотребуваат своите болни деца и притисоците на кои беше изложен бугарскиот вицепремиер Валериј Симеонов синоќа поднесе оставка.
– Поднесувам оставка поради континуираната медиумска кампања против мене. Таа кампања им штети на угледот и авторитетот на Владата и стана пречка за нејзината нормална работа, изјави Симеонов на прес-конференција во Софија на која ја најави својата оставка.
Тој нагласи и дека бугарскиот премиер Бојко Борисов не извршил притисок врз него да поднесе оставка, туку дека решил да се повлече затоа што не можел да дозволи да продолжи таквата состојба.
– Не се работи за мене или за партијата на чие чело сим, тука за Владата за која сметам дека е многу успешна, додаде Сименов.
Како што јави БТА, Борисов ја прифатил оставката на својот заменик Симеонов, кој е лидер на националистичка партија Национален фронт за спас на Бугарија (НФСБ) и на коалицијата Обединети патриоти (ОП), а во Владата беше вицепрмиер задолжен за економска и демографска политика.
Пронајдете не на следниве мрежи:
