Заменик-министерот за здравство Муса си поднесе оставка, тврди дека митото било стапица

Заменик-министерот за здравство, Асим Муса денес си поднесе оставка откако во јавноста се појави видео снимка на која тој зема мито од пациент. Тој не сакаше да одговори на новинарските прашања и си замина од прес – салата на Владата.
Во изјавата што ја даде, Муса тврди дека ова е намерна стапица за да му се наштети . “Пациентот“, како што рече, инсистирал да дознае колку чини интервенцијата, а Муса го информирал дека интервенцијата за странски пациенти е приватна.
“Овие пациенти постојано се обидуваа да приредат стапица против мене во која било форма. Секој граѓанин кому сум му служел, секој пациент и соработник, јасно знае дека ова е намерна стапица за да ми наштети мене. Нема да дозволам овие 23 години инвестиции во професионалноста и семејниот кредибилитет да биде нарушен со ваква намерна стапица, бомбастични информации со лажни наслови, кои не се реални, а тоа може да се види од снимката“, рече Муса.

 

 

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.