Американската актерка Аманда Сејфрид, позната по улогите во „Мама миа“, „Клетници“ и „Злобни девојки“, неодамна покажа како изгледа без шминка и откри дека со години се бори со кожна болест.
Во неодамнешното интервју за магазинот „Вог“, 39-годишната актерка сними неколку видеа на Тикток на кои ја покажува нејзината рутина за убавина и откри дека веќе 20 години се бори со периорален дерматитис, осип на кожата што се појавува околу усните и ноздрите.
„Можеби мислите: ‘Што е тоа на нејзиното лице?’ Тоа е мојата егзема, патам од периорален дерматитис. Кога имав 19 години почнав да добивам осип“, рекла таа.
@voguemagazine
#AmandaSeyfried has picked up quite a few makeup tips throughout her decades-long career. Tap the link in bio to discover all of her beautysecrets.
♬ original sound – Vogue
Таа тврди дека последните 20 години ги поминала барајќи соодветен совет од експерти. Откако во видеотот го изми лицето, таа покажа како истовремено го третира осипот и го прикрива црвенилото на нејзиното лице. Негата на нејзиното лице се состои од лековита крема, употреба на тонер, серум и коректор.
Набргу по објавувањето на снимката, многу обожаватели решија да коментираат и да ѝ се заблагодарат што ја сподели нејзината борба со кожната болест.
„Моментално имам периорален дерматитис и тоа е ужасно“; „Многу сум среќен што гледам вистинска кожа без ботокс и филтри. Прекрасна си“; „Ти благодарам за оваа снимка“; „Колку е убаво да се види природно лице“; „Неверојатно убаво“; „Имам атопичен дерматитис и ова е прв пат да видам некој познат како зборува за тоа“, биле дел од коментарите.
Пронајдете не на следниве мрежи:
