СВР Штип поднесе кривична пријава против 30-годишниот М.С. од Кочани, осомничен за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
Затвореникот во КПД- Штип, појаснија денеска од МВР, во текот на јануари 2019 година од непознато лице во КПД-Штип набавил марихуана, ја препакувал во десет најлонски ќеси и заради продажба ја држел во ќелијата во која престојувал, а во која на 11.01.2019 при претрес од страна на затворските чувари истата му била пронајдена.
