Студеното време може да ја оштети вашата коса, па ако претходно не сте ја негувале правилно, знаете како изгледа по зимата.
За да остане здрава и сјајна, ѝ треба заштита. Затоа ви носиме неколку корисни совети кои треба да ги примените веднаш штом ќе падне температурата.
НОСЕТЕ КАПА
При ладен или силен ветер, важно е да ја покриете косата со капа за да ја заштитите од сушење, а ако не го направите тоа, таа ќе стане кршлива. Волната може да предизвика и пукање на косата, па најдобро би било капата да е од мек материјал или уште подобро – од свила или сатен.
ШИШАЈТЕ ЈА РЕДОВНО КОСАТА
Косата треба да се скратува на секои четири до осум недели за секогаш да биде здрава и да изгледа свежо. Само отстранете еден сантиметар или два од врвовите за да ја видите промената на подобро.
НЕ ТУШИРАЈТЕ СЕ СО ТОПЛА ВОДА
Иако топлиот туш е нешто што го обожаваме кога доаѓаат студени денови, тој ја суши косата и ја прави кршлива и не многу убава. Затоа измијте го со млака вода и исплакнете со ладна.
КОРИСТЕТЕ МАСЛА
Кога студениот воздух ја оштетува вашата коса, вратете ја нејзината влажност со масло. Користете лесни формули и нежно нанесувајте го на врвовите на косата секој ден, само не претерувајте.
ПОТРЕБНИ СЕ РЕГЕНЕРАТОР И МАСКИ
Негувањето на косата е приоритет кога ќе дојде зима – нанесете регенератор или маска и оставете да делува неколку минути. Овој чекор е особено важен ако често ја пеглате или ја виткате со топли електрични преси или пегли за виткање.
НЕ ЈА МИЈТЕ ЧЕСТО
Ако ја миете косата секој ден, време е за промена. Пречестото миење на косата ќе ја иритира косата и ќе ја лиши од природните масла кои служат како заштита. Ова е особено важно кога доаѓаат студени денови. Затоа, мијте ја најмногу два пати неделно.
