Украинскиот претседател Володимир Зеленски ги разреши амбасадорите на Украина во Албанија, Хрватска и Црна Гора, согласно претседателските укази објавени денеска 6 август 2026.

Според Указот бр. 709/2026, од должност е разрешен Васил Кирилиќ, кој ја извршуваше функцијата амбасадор на Украина во Хрватска. Со Указот бр. 710/2026, Зеленски го разреши Володимир Шкуров од функцијата амбасадор во Албанија, каде што беше назначен во април 2020 година. Со Указот бр. 711/2026, од должност е разрешен и Олех Херасименко, амбасадор на Украина во Црна Гора.

Во објавените укази не се наведени причините за кадровските промени, ниту, засега, се именувани нови амбасадори на овие дипломатски мисии. Истовремено, Зеленски со посебен указ го разреши и амбасадорот на Украина во Пакистан, Маркијан Чучук, како дел од поширока дипломатска ротација.