Во пресрет на огромните смртоносни пожари кои изгореа десетици илјади хектари земја и оставија зад себе најмалку дваесет мртви во околината на Лос Анџелес, локалните пожарникари и жителите добија поддршка од целиот свет.Пожарникарски екипи пристигнаа од Мексико за да им помогнат на локалните екипи во локализирањето на пожарите кои сè уште беснеат во различни делови на Лос Анџелес, додека екипи на пожарникари од Канада се вели дека се на пат кон градот.Соединетите Американски Држави добија понуда за помош од Источна Европа, поточно Украина.– Денеска му дадов инструкции на украинскиот министер за внатрешни работи и нашите дипломати да се подготват за можно учество на нашите спасувачи и пожарникари во гаснењето на пожарите во Калифорнија – се наведува во пораката што украинскиот претседател Володимир Зеленски ја сподели на „Х“.– Ситуацијата таму е исклучително тешка и Украинците можат да им помогнат на Американците и да им ги спасат животите. Во контакт сме и ја понудивме нашата помош на американската страна преку соодветните канали – напиша Зеленски.Речиси 1.500 членови на Националната гарда на Калифорнија веќе се распоредени во Лос Анџелес за да им помогнат на локалните органи за спроведување на законот да го спроведат полицискиот час што ја олеснува загриженоста на граѓаните за зголемениот број грабежи.– Понудата на Украина за поддршка на Калифорнија за време на овие разорни шумски пожари не е ништо помалку од исклучителна – стои во објавата на мрежата „Х“.– Раководството на претседателот Зеленски и обуката на 150 украински пожарникари се доказ за моќта на глобалните партнерства. Националната гарда на Калифорнија се гордее со повеќе од 30 години соработка со Украина преку Програмата за партнерство, заедно сме посилни – стои во одговорот на Националната гарда на Калифорнија.Иако противпожарните екипи постигнаа напредок во гаснењето на двата големи пожари, уште едно силно невреме кое се приближува до погоденото подрачје предизвикува голема загриженост поради засилување на пламенот или предизвикување нови пожари.
Илјадници пожарникари пристигнаа во Јужна Калифорнија за да се приклучат во борбата против немилосрдниот пожар. Тие дојдоа од целиот запад на Соединетите држави, вклучително и екипажи од Ново Мексико, Невада, Јута, Орегон, Аризона и Вашингтон.
