Понекогаш е тешко да знаете што мисли другата личност, но постојат знаци кои ќе ви дадат до знаење дека вашиот партнер планира сериозна и долга врска.
Имате исти цели
Двајцата сакате живот во ист град, сакате да ги посетите истите држави и имате иста идеја за основање или неосновање на семејство. Нормално дека не мора да сакате исти ситници, меѓутоа, важно е низ животот да одите во ист правец.
Имате разбирање
Ја почитувате меѓусебната приватност и ги препознавате потребите на партнерот. Јасно ви е како треба да реагирате во одредени ситуации и знаете кога треба да делувате, а кога да го оставите партнерот сам да го реши својот проблем.
Заедно сте поминале низ разни ситуации
Ако сте си помогнале еден на друг во тешки ситуации, тоа сигурно дополнително ве зближило и ја стабилизирало вашата врска, бидејќи сте успеале да ги пребродите потешкотиите кои ви се нашле на патот.
Иако не ви е најважен сексот, тој сепак е одличен
Физичката привлечност е важна, но не најважна. Затоа, важно е да знаете дека вашиот партнер првенствено ви одговара ментално. Меѓутоа, сексот игра голема улога во љубовната врска, па затоа воопшто не е лошо ако вашиот партнер и покрај долгата врска, успее да ве остави без здив.
Брзо се смирувате
Ниедна врска не е совршена. Меѓутоа, вие и после расправијата, знаете како да се смирите и брзо да го решите проблемот поради кој сте се скарале.
Еден на друг сте си најголема поддршка
Постојано се поттикнувате еден со друг и вие сте првите кои ќе му пружат рака на партнерот кога тоа му е потребно.
Пријатно ви е да поминувате време заедно во тишина
Седите на балкон, гледате во далечина и не разговарате за ништо, туку само уживате во моментот. Иако звучи едноставно, сепак тишината многу често знае да створи непријатност, што укажува на тоа дека не ви е пријатно да седите насамо со таа личност.
Нема тајни
Еден на друг сте си најдобри пријатели и можете да си кажете сѐ, без никакви осудувања.
Имате целосна доверба
Немате потреба да му пребарувате на партнерот во мобилниот телефон и непрестајно да му ѕвоните, за да проверите каде се наоѓа. Му верувате на зборот и се чувствувате спокојно дури и кога нема да се слушнете подолго време.
