Украинските војници можат да користат тенкови Леопард за офанзива во југоисточниот правец, кон Мариупол и Мелитопол, изјави за Политико поранешниот командант на американските копнени сили во Европа, генерал-полковник Бен Хоџис.
Американскиот портал забележува дека, според Хоџис, Киев ќе го таргетира југоистокот, поточно Мариупол и Мелитопол, со цел да го „пресече копнениот мост на Русија со Крим“.
Војната во Украина ПУЛС24 ја следи секојдневно
За вас на оваа тема имаме 1000 текстови ТУКА!
– Украинците ќе се обидат да го удрат копнениот коридор со незапирлива сила – рече Хоџис.
Претходно медиумите објавија дека САД ја советувале Украина да ги повлече своите сили од Бахмут во областа Доњецк со цел да започне подготовка за офанзива на југот на земјата.
Германската влада претходно објави дека донела одлука за префрлање на германските тенкови „Леопард 2“ во Украина, наводно со цел формирање два тенковски баталјони.
Во првата фаза од залихата на Бундесверот ќе бидат испратени 14 тенкови „леопард 2“, тип А6.
Претходно, раководството на Полска објави дека е подготвено да пренесе до 14 тенкови „Леопард 2“ во Украина како дел од меѓународната коалиција. Пред тоа, земјата веќе префрлила околу 250 тенкови Т-72 во Украина.
Американскиот претседател Џо Бајден, исто така, најави дека неговата администрација ќе и обезбеди на Украина 31 тенк М1 Абрамс од американско производство.
Пронајдете не на следниве мрежи:
