На секои четири години има 29, но сепак февруари има помалку денови од другите месеци во календарот. Сите го сметаат јануари за најдолгиот месец бидејќи е исполнет со празници и прослави, а има 31 ден, па ви снемува пари некаде на половина месец. Оттаму се чини логично февруари да биде покус, за некако да се “покриете“ со расходите.
Причината зошто февруари има најмалку денови од сите месеци во годината е малку поинаква и датира од времето на римскиот календар со 10 месеци, што почнувал со март и завршувал со декември. Тоа значи дека јануари и февруари воопшто не постоеле.
За Римјаните, кои го правеле календарот според сезоните на сеење и жнеење, зимата била едно безимено, небитно купче денови. За тој дел од годината едноставно немало систем за водење евиденција за деновите. Пред да дојде на власт вториот крал на Рим во 750 година пред н.е. Римјаните решиле да додадат уште два месеци во годината за да се синхрониираат попрецизно со 12-те лунарни циклуси. Тие два месеца, јануари и февруари, имале по 28 денови, а потоа кралот решил да му додаде уште еден ден на јануари, за годината да има 355 денови. Парните броеви во тоа време се сметало дека носат лоша среќа и година со 354 дена била просто неприфатлива.
Но, календарот имал уште маани. Следењето на лунарниот циклус функционирало добро неколку години, но за некое време годишните времиња почнале да се поместуваат од месеците што им биле назначени. За да го поправат тоа, Римјаните вовеле престапен месец што го нарекле Мерцедониус. Врховниот свештеник на Рим одлучувал кога ќе се воведе тој месец и никој друг во градот не можел да води сметка кој ден е. Сигурно претпоставувате дека ова се претворило во вистински кошмар.
Кога Јулие Цезар дошол на власт, одново направил пресметка на календарот и направил израмнување на календарската година со сончевиот циклус, па секоја година имала 365 дена. Од некоја непозната причина, на февруари му оставил само 28 денови.
Повеќето од нас ќе се согласат, воопшто не му забележуваме на ваквата одлука. Февруари треба да биде кус за побрзо да закрепнеме од јануари, да ја оставиме зимата зад нас и да се радуваме на доаѓањето на март и пролетта.
