Ова мораше конечно да се случи, и никако религијата или верата не смеат да бидат оправдание за неодговорно однесување и доведување на популацијата во општа опасност – (забелешка наша).

Исламската верска заедница донесе одлука привремено да се откажат сите молитви во џамиите, како петочната, така и сите останати.

Сулејман ефенди Реџепи, ги повика верниците в петок напладне во нивните домови да ја извршат молитвата.

Реџепи ги повика сите муслимански верници да избегнуваат масовни собири и да ги следат препораките од надлежните институции и да не создаваат паника. Во случај на смртни случаи од Ковид 19, погребот ќе се направи од страна на државните надлежни органи поради контаминација.

Во образложението на оваа одлука Реисул – Улема на ИВЗ, Сулејман еф. Реџепи, го цитира Куранскиот ајет, во кој Алах џ.ш. вели „и не доведувајте се себеси во уништување, туку чините добро”, (Ел Бекаре:195) и еден Хадис на Пејгамберот а.с. кои што вели: „Ако во едно место се појави епидемија, тие што се наоѓаат во тоа место не смеат да го напуштат, додека пак тие што се вон тоа место не смеат да патуваат кон него“.

ПРОЧИТАЈТЕ НА ТЕМАВА УШТЕ И: