Специјалецот Игор Спасов, осуден на 14 години затвор за убиството на Мартин Нешковски, од денес со потерница се бара на територијата на Република Македонија.
Јулијана Неткова, портпаролот и судија во Основниот суд во Штип, за МИА информираше дека надлежните од МВР и СВР-Штип ги информирале дека Спасов од петокот до денес не е најден на подрачјето на Општина Штип.
– Игор Спасов не е пронајден и е недостапен на органите на прогон. СВР- Штип го извести Судот дека тој е недостапен и е во бегство, поради што Судот веднаш издаде согласност за издавање на потерница за негово пронаоѓање на територијата на Република Македонија, изјави Неткова.
Неткова уште додаде дека доколку истражните органи не го пронајдат и на територија на државата, повторно се известува Судот, кој дава согласност за издавање на меѓународна потерница.
Спасов е осуден на 14 години затвор за убиството на Мартин Нешковски вечерта на прославата на ВМРО-ДПМНЕ по победата на парламентарните избори. Казната затвор ја издржувал од 2011 година, а поради здравствени проблеми во прекин му е од минатата година. Тој требаше да се јави во Затворот „Идризово” на 18 октомври, но тоа не го стори.

Пронајдете не на следниве мрежи:

• 
• 
• 
• 
• 
• 

©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.