Стоперка која избегала од канџите на озлогласениот сериски убиец Роберт Бен Роудс повторно проговорила за своето страшно искуство. Таа особено се сеќава на моментот кога сфатила дека смртта буквално почнала „да ја гледа во очи“.
Се верува дека Роудс, возач на камион кој го претворил својот камион во мобилна комора за мачење, убил до 50 жени помеѓу 1975 и 1990 година .
Јавноста го памети под прекарот „Убиец на камионски постојки“, бидејќи неговите жртви обично биле стоперки , сексуални работнички или млади жени кои се наоѓале сами на постојките за одмор на автопатите.
Знаев дека нешто не е во ред.
Во летото 1985 година, Ванеса Веселка тргнала пеш низ САД. Во својот текст за „GQ“, таа се сеќава на еден морничав момент – само неколку дена пред да го запознае Роудс, телото на млад стопер било извлечено од блискиот контејнер на место за одмор.
Неколку дена подоцна, Ванеса ја пречекал човек кој, иако на прв поглед учтив, веднаш се издвоил од другите камионџии.
View this post on Instagram A post shared by vanessa veselka (@vanessa_veselka)
– Беше повисок и послаб од повеќето возачи на камиони. Не носеше фармерки или маица, туку уредна памучна кошула со ракавите свиткани над бицепсите. Неговата кабина беше најчистата што некогаш сум ја видел – се сеќава Веселка.
Застрашувачки момент на трансформација
Во еден момент, Роудс престана да одговара на нејзините прашања. Потоа Веселка виде нешто што целосно ја парализираше, се исправи на своето место, а лицето му се смени во израз што беше истовремено арогантен и целосно празен.
View this post on Instagram A post shared by vanessa veselka (@vanessa_veselka)
Набргу потоа, Роудс ја спомна мртвата девојка чие тело беше пронајдено само неколку дена претходно. Потоа се симна од патот, го запре камионот и извади ловечки нож.
Како преживеа таа?
Иако сè изгледаше како најлош можен исход, Веселка успеа да ја задржи смиреноста. Му зборуваше мирно, го молеше да размисли и постојано повторуваше дека „тој има избор“.
-Му реков дека нема да одам во полиција ако ништо не ми се случи. Го повторував тоа одново и одново, само за да продолжам да зборувам. А потоа ме погледна и јас едноставно останав без зборови – рекла Ванеса.
Потоа изговори само еден збор: „Бегај“.
Таа истрча од камионот и се стрча во шумата, каде што се криеше сè додека не го слушна камионот како се оддалечува.
Уапсен во 1990 година
Роберт Бен Роудс беше уапсен во април 1990 година во Аризона, обвинет за тежок сексуален напад и незаконско затворање. Подоцна беше прогласен за виновен за убиство на 14-годишната Реџина Кеј Волтерс и осуден на доживотен затвор без можност за условна слобода.
Се верува дека бројот на неговите жртви бил значително поголем.
The post Избегнала од канџите на сериски убиец: Ја погледнала смртта во очи, а еве како успеала да се спаси (ФОТО) appeared first on Во Центар.
