Избрани новите замениците министри во Владата

Со 62 гласа „за“, 44 против и без воздржани, синоќа Собранието ги избра замениците министри во новата Влада.

За заменик министер во Министерството за одбрана е избран Башким Хасани, додека за заменик министер во Министерството за внатрешни работи е избран Назим Буши.

Димитар Ковачевски е избран за заменик министер во Министерството за финансии, додека Агим Нухиу ќе биде заменик министер за правда. За заменик министер во Министерството за политички систем и односи меѓу заедниците е избран Илхан Рахман, додека заменичка на министерот кој раководи со Министерството за надворешни работи ќе биде Фатмире Исаки.

Во ресорот економија, за заменик министер е избран Зоран Маневски, додека Трајан Димковски ќе биде заменик министер во Министерството за земјоделство, шумарство и водостопанство.

Илир Хасани од сега ќе биде заменик министер во Министерството за здравство, додека во Министерството за образование и наука на оваа функција е избран Арафат Шабани. Министерството за труд и социјална политика за заменик министер го добива Енвер Хусејин, додека во Министерството за локална самоуправа на таа функција е избран Зоран Димитровски.

Министерството за култура за заменик министер го добива Седат Сулејмани, додека Александар Бајдевски ќе ја врши оваа функција во Министерството за информатичко општество и администрација.

Беким Реџепи е новиот заменик министер во Министерството за транспорт и врски, а за заменичка во Министерството за животна средина и просторно планирање е избрана Христина Оџаклиеска.

Со изборот на замениците министри, Владата сега е во полн состав, откако претходно беше изгласана, по изборите кои се одржаа на 15 јули.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.