Израелски анестезиолог во неделата е осуден на девет и пол години затвор затоа што се обидел да го убие партнерот на жената во која бил вљубен со инјектирање на мажот со смртоносна доза седативи.
Окружниот суд во Лод, исто така, му нареди на Асаф Карпел да плати 35.000 долари како оштета.
Неговиот адвокат, Ади Кармели, во изјавата рече дека двоцифрената казна што ја бараат обвинителите е „претерана“. Карпел беше осуден во октомври минатата година за обид за убиство во спогодба за признавање на вината со обвинителите, пишува Тајмс оф Израел.
Жртвата претходно за Канал 12 изјави дека се уште има вознемиреност дека Карпел повторно ќе се обиде да му наштети на него и на неговата девојка.
Според ажурираното обвинение во Централниот окружен суд, Карпел (37) се спријателил со жентаа што ја запознал за време на неговата докторска работа.
Во обвинението се наведува дека Карпел ја демнел жената, чекал во близина на нејзиниот автомобил, и купувал подароци и испраќал е-пошта и СМС пораки во кои ја изразувал својата љубов кон неа и желбата за романтична врска.
Карпел на крајот решил да го убие нејзиното момче.
Тој и го украл клучот од куќата и два шприца од болницата во која работи, како и анестетици кои можат да убијат човек во случај на предозирање и вообичаено се даваат само за време на оперативна процедура.
Карпел наводно го проверил распоредот на смената на жената за да знае кога таа не е дома и отишол во нејзиниот дом маскиран, носејќи тејзер, запалка, скалпел и шприцови за анестезија.
Откако неколку часа чекал надвор, среде ноќ со помош на клуч влегол во станот, отишол во спалната соба и го нападнал момчето на жената.
Карпел употребил тејзер и се обидел да му вбризга седатив, но неговата жртва се разбудила и се ослободила, по што Карпел побегнал од местото.
Карпелот бил лоциран кратко време подоцна за време на возењето. При претрес на неговиот автомобил биле пронајдени црни комбинезони, капа и шприцови.
Пронајдете не на следниве мрежи:
