Израелските одбранбени сили (ИДФ) проценуваат дека убиле 12.000 оперативци на Хамас од почетокот на војната во Појасот Газа, додека Хамас тврди дека е половина од тој број.

Се верува дека Хамас со околу 30.000 борци има илјадници тешко ранети кои биле исфрлени од машината, јавуваат израелските медиуми.

Министерството за здравство на Хамас денеска соопшти дека 29.092 лица загинале во Појасот Газа за време на војната меѓу палестинското исламистичко движење и Израел.

Израелските медиуми јавуваат дека овие податоци не се потврдени и дека министерството не прави разлика меѓу цивили и борци, иако неколкупати беше објавено дека повеќето од загинатите се жени и деца.

Во бројот на жртвите не се вклучени вооружените мажи убиени во Израел на 7 октомври во нападите на палестинските екстремисти, предводени од Хамас, на јужна израелска територија.

Претходно денеска, претставник на Хамас од Катар изјави дека исламистичката организација проценува дека изгубила околу 6.000 борци.

Израелските медиуми наведуваат дека Хамас ретко потврдува дека трпи големи загуби.