По огромниот успех од минатата година и големата посетеност, Саемот на мебел 2025 повторно го отвора своите врати за сите кои го ценат дизајнот, уредувањето на просторот и иновативноста. Под мотото „Инспирација за секој дом“, ова значајно настанување ќе се одржи од 26 до 30 март во комплексот Борис Трајковски во Скопје. Овогодишниот Саем на мебел е поделен во четири посебни секции: градина и двор, додатоци за домаќинството и осветление, мебел и внатрешен декор, како и рачни креации и сродна индустрија. Оваа поделба ќе им овозможи на посетителите лесен пристап до најновите трендови и можност да ги најдат сите потребни елементи за нивните домови или работни простори.
Ако планирате да внесете свежина во вашиот дом или канцеларија, или пак сте љубители на убави декоративни парчиња и мебел, не пропуштајте го Саемот на мебел каде ќе откриете нешто што ќе ја разбуди вашата креативност. На настанот, бројни брендови ќе бидат присутни со извонредни понуди и значителни саемски попусти.
Цената на влезниците изнесува 150 денари за индивидуален посетител, додека пар влезници за двајца изнесуваат 250 денари. Децата под 12 години, кога се во придружба на родител, не плаќаат за влез. Влезниците можат да се купат на билетарите поставени на влезот на Саемот. Главниот влез ќе биде означен и ќе се наоѓа на западната страна на Арена Борис Трајковски, во близина на лизгалиштето. Со секоја купена влезница на оваа манифестација, посетителите ќе добијат ваучер за бесплатно кафе од брендот Saccaria, кое ќе можат да го искористат во специјално уреден простор за релаксација. Паркингот во рамките на комплексот Борис Трајковски ќе биде бесплатен за сите посетители.
Партнер на настанот и оваа година е Комерцијална банка АД Скопје, која ќе понуди атрактивни финансиски производи, олеснувајќи им на посетителите реализација на нивните планирани проекти за домување. На нивниот специјален штанд, ќе бидат достапни информации за палетата на потрошувачки кредити и финансиски понуди, адресирани кон личните потреби и проекти за опремање на домот.
Саемот на мебел оваа година ќе има и хуманитарен аспект, со донација на дел од средствата од влезниците во Фондот за солидарност на Црвениот крст, како поддршка за семејствата настрадани во трагичниот настан во Кочани. На настанот, посетителите кои сакаат да помогнат, ќе имаат можност да донираат во посебни кутијои на Црвениот крст. Оваа акција е реализирана во соработка со Црвениот крст на РСМ.
The post Инспирација за секој дом: Настан во Скопје од 26 до 30 март appeared first on 365.mk.
