Русија и Иран се во завршна фаза на подготовка на нов стратешки договор кој би можел да биде потпишан пред инаугурацијата на новоизбраниот американски претседател Доналд Трамп.Доналд Трамп има особено остри зборови за Иран, па континуитетот на конфликтот на Блискиот Исток, генерално, во Азија, би можел да продолжи и за време на неговиот мандат. Иран беше верен сојузник на Русија во изминатите тешки години. За време на војната во Украина, но и тензиите на Корејскиот полуостров, Русите потпишаа стратешки договор со Северна Кореја.Новиот договор меѓу Техеран и Москва укажува на напорите на двете земји да ги „здружат силите“.Војната во Украина го поларизираше светот како никогаш досега. Осудата на Русија и поддршката за Украина не се единствен став на светската заедница, како што често лажно се претставува. „Њузвик“ нагласува дека овој договор се работи веќе неколку години, а како што изјави рускиот министер за надворешни работи Сергеј Лавров на крајот на октомври, потпишувањето ќе биде наскоро.Во суштина, целта е да се „формализира посветеноста на блиската одбранбена соработка и интеракција во интерес на регионалниот и глобалниот мир и безбедност“. Овој вид на престројување на блокот не беше забележан ниту за време на превирањата на Студената војна. Сега некои земји сосема отворено застануваат на страната на Руската Федерација, иако не споделуваат, на пример, идеолошки ставови, како што беше случајот во Студената војна. Станува збор за воено-стратешки договори. Успехот на БРИКС е посебен, на паралелна економска патека.Новиот билатерален договор ќе го замени постариот од 2001 година, кој последен пат беше продолжен во 2020 година. Новиот стратешки договор се очекува да вклучи гаранции за соработка во областите како што се енергетиката, производството, транспортот и земјоделството.