Бродовите што планираат да поминат низ Ормутскиот Tеснец треба да користат алтернативни патишта за да ги почитуваат принципите на поморската безбедност и да бидат заштитени од можен контакт со морски мини. Ова се наведува во соопштението на Корпусот на иранската исламска револуционерна гарда, кое го објавија иранските медиуми.

Во соопштението се наведени и алтернативни патишта, заедно со мапа што ги покажува. Бродовите што влегуваат од Оманското Море треба да пловат северно од островот Ларак, а потоа да продолжат кон Персискиот Залив.

Бродовите што пловат во спротивна насока треба да излезат од Персискиот Залив, да поминат јужно од островот Ларак и да продолжат кон Оманското Море.