Италијанската полиција открила и запленила 2.700 килограми кокаин сокриени во керамички банани во пристаништето Џоја Тауро, во регионот на Калабрија. Според локалните медиуми, станува збор за историска заплена на дрога.Дрогата наводно пристигнала од Јужна Америка.– Имагинацијата на шверцерите на дрога нема граници, а тоа се виде во заплената на кокаин регистриран во последните неколку часа во пристаништето Џоја Тауро – најважниот пункт за прием на легална и нелегална стока во Италија, а во кој доминира „ Ндрангета “, меѓу другите меѓународни мафијашки организации за шверц на дрога – според извор на италијанските медиуми.

Видеото кое ја придружува оваа вест покажува систем кој досега не е виден. Ако досега беше нормално пакувањата со кокаин да се ставаат под кутии со хлебни или банани испратени од Латинска Америка во Европа, често со зелена изолациона лента за камуфлажа, во овој случај залиха од 2.700 килограми кокаин во лажни банани, систем целосно отпорен на традиционалните скенери и нивните оператори, кои бараат класичен облик на кокаин кога ги следат контејнерите со таа технологија.Акцијата ја извршила италијанската финансиска гарда, задолжена за безбедносни прашања во споменатото пристаниште, чии агенти со чекани и друг алат кршеле лажни банани, најверојатно од керамички материјал, во кои биле сокриени пакувања со кокаин . Проценетата вредност на запленетото на италијанскиот нелегален пазар е 800 милиони евра.