Вработен во „Национални шуми“, подружница „Беласица“ во Струмица во период од септември 2020 до ноември 2024 година на неколку лица им овозможил да добиваат дозволи за селска сеча, а потоа дрвата да ги продаваат на трети лица. За возврат директно барал и добивал поткуп од 200 евра месечно.

Од Основното јавно обвинителство Струмица информираат дека е донесена наредба со спроведување на истражна постапка за примање поткуп против службено лице.

„Вработениот во ‘Нацинани шуми‘ подружница Струмица е затекнат како прима поткуп од едно од лицата, кое по претходен телефонски разговор е договорено да му исплати пари со цел да изврши селска сеча на планината Огражден“, се вели во соопштението од ОЈО Струмица.

На осомничениот, по предлог на јавен обвинител судуја на претходна постапка до Основниот суд во Струмица му е определен притвор од 30 дена.